雞蛋一直都話，香港o既高官係無得頂o既！佢地仲邊度有得頂jei~!?
你話佢地蠢~!?當連澳門彈丸之地都包度機o既時候，佢地又醒目o諗到大把藉口唔包機。又話泰國唔批航權，又話機場未必有位...嘩...一架機都無位??咩機呀~!?神州七號定係UFO呀~!?
你話佢地慢~!?一死人即刻包幾架機過去，快到你以為泰國政府入面隱藏o左香港o既特務。但又每架只接得o個幾十人。唔通香港政府包得幾部小型滑翔機~!?無理由丫...佢地又話唔夠位停機咖...
題外話。香港高官除左頭腦發達，四支其實都唔係簡單。小弟真係強烈建議奧運會增設「捉衣因」同「徒手浮潛」比賽。因為假如我地派出李少光同曾蔭權參賽，單捉幫捉、個潛隊潛，仲邊有得輸~?! 屆屆都穩袋兩個金牌~! 事發時無人搵到保安局局長李少光；行政長官曾蔭權極速深潛三萬呎。間接證實左原來拉登真係晌我地兩大高官手底下食過兩年夜粥先走得甩。西利~!
不過，其實李局長都係好人一個。不單止話會為事件負上全部責任(今時今日，通常自己死都搵人陪葬路上好走無咁悶咖嘛...)，另加一句「唔好玩多幾日，快D搭包機返喇」不單單點醒一眾仲因為貪玩而唔上包機o既旅客，仲更加支持住整個香港o既人心。陶傑成日都話香港政客無名留千古o既金句(Sound Bite)，依家有啦...相信往後呢個說話o既影響力仲會比馬丁路德金(Martin Luther King, Jr.) o既 'I have a dream' 更為普及。因為句子可以俾改寫為：
- 對失業人士講o既版本 -- 「唔好玩多幾日，快D搵份工做喇」
- 對在職人士講o既版本 -- 「唔好開OT，快D收工喇」
- 對領綜援人士講o既版本 -- 「唔好食過期o野，快D去食龍蝦喇」(呢劑真係「何不食縻肉」...)
- 對電車男講o既版本 -- 「唔好再過Single Life，快D搵返個女朋友喇」等等等等....
聽到局長咁Warm，咁真摰o既勸籲...香港一眾市民又有乜發子去否定...佢其實係無腦o既呢??打過電話俾特首起架機有幾難??唔會難過李局長同曾特首晌骨場「起機」喇gwa~!?呢D天災，對人民係不幸，但對高官就係提升民望o既黃金機會。出架機解市民之急之餘仲要話俾人聽你反應快，做到o野...何樂而不為呢??雖然媽媽細細個就教雞蛋唔好人比人，但「大風吹倒梧桐樹，自有旁人論長短」。何厚鏵今次起機快而準，又點唔將Bow Tie曾顏射到一面都係... ... 民怨呢~!?
雞蛋
